بسم الله الرحمن الرحيم 

أخباركم يا جماعة ؟ 

صباحكم رضا وورود منعشة 

وبما إن سيرة الورود المنعشة جت شرايكم نسوي طوق ورد لطيف؟ 

(مقدمة متعوب عليها لو سمحتم) 

التدوينة هذي سريعة, وغير مخطط لها منذ الأزل, فعشين كذا تغاضوا عن بساطتها المُفرطة طيب ؟ والتدوينة هذي تُعنى باللي عندهم خبرة في الكروشية , إذا أنك تعرفين كيف تسوين سلسلة وحشو وعمود وتقفلين الشغل وكذا تابعيها , إذا ما تعرفين روحي حساب الجميلة  @crochetalongwithyarnii  مسوية دورة تعليم كروشيه تفتح النفس وكلش ما شاء الله , تابعي كل ال”بوستات” الي نزلتها  

تدوينة اليوم تتكلم عن هذا الشيء الجميل :

صورة

 

 

طوق ورد كروشيتي, صناعته ممتعة وبسيطة, ولأنها ممتعة وبسيطة وسهلة ونتيجتها جميلة لازم تعرفون كيف تتسوى 

الأشياء الي نحتاجها :

 خيوط قطن أو صوف

سنارة كروشية 3 ملم 

مقص 

ابرة كبيرة للتنظيف والتجميع 

خيط مطاط أسود عريض,على حجم الرأس 

 

أول شي نسوي الوردات , الوردات عبارة عن جزء الوردة وجزء الورقة الأخضر .

بعون الله بأكتب الطريقة, وأحط صورة باترون , وأعطيكم رابط الفيديو, وأتمنى تحبون هالوردات مثل ما حبيتها, لأنها تخلص بسرعة ونتيجتها جميلة جدًا 

 

طريقة الوردة :

نسوي 15 سلسلة

نعدي سلسة ونسوي في الي بعدها [ منزلقة , حشو, منزلقة ] 

في السلسلة الثالثة نسوي [ حشو,عمود] في السلسلة الي بعدها نسوي [ عمود, حشو] نكرر هذا الأمر لحد ما نوصل السلسلة السابعة (يعني 5 مرات) آخر شيء يعني بيكون عندنا في هذي المرحلة [حشو,عمود] 

في السلسلة الثامنة نسوي [ ثلاث مرات عمود بلفة ]

الي بعدها نسوي [ عمود, حشو] الي بعدها [ حشو, عمود] الي بعدها [ثلاث مرات عمود بلفة] نكرر للنهاية ونغلق العمل .

 

مدري أحس التعبير خانني في الشرح كتابيًا  

 شوفوا البترون وإن شاء الله يكون موضّح أكثر 

 

صورة

نسوي جزء الوردة ونلفه,ونثبته وننظف الخيط .

 

 

بعدها نسوي جزء الورقة : 

بخيط أخضر 

6 سلاسل , في السلسلة 5 نسوي [ حشو] في الي بعدها نسوي [ نص عمود] الي بعدها [ عمود] الي بعدها [ نص عمود] الي بعدها [ حشو] 

من الجهة الثانية نسوي نفس الشي حشو,نص عمود,عمود, نص عمود, حشو 

كذا نكون سوينا ورقة وحده, إذا نبيهم ورقتين , بدون ما نقص الخيط نكمل ونسوي 6 سلاسل ونسوي نفس الي قبل حشو ونص عمود وعمود وو

بعدين نقفل .

صورة

 

و نخيط جزء الورقة مع جزء الوردة ,

ونخيطهم كلهم على المطاط الأسود العريض .

*المطاط الأسود العريض برضو حتى هو نخيط طرفينه مع بعض عشان يكون دائري 

بس ! نكرر الوحدات ونخيط , نبدّع في الألوان وتطلع لنا نتيجة جميلة بفضل الله 

مو شرط الوردات نستخدمها في طوق ورد وبس , ممكن نزيّن بطاقات , نخليها ك “بروش” , نثبتها على بنسة, نزين بها بلوزة , أي شيء يخطر ببالكم ممكن ! 

 

المصدر لهذي الوردة هو هذا الفيديو 

http://www.youtube.com/watch?v=MRNM_v5V8QA

 

وبكذا خلصت هذي التدوينة وأتمنى إنها أفادتكم والحمد لله 

 

 

أشوفكم 

Posted by:molarya

.ig-b- { display: inline-block; } .ig-b- img { visibility: hidden; } .ig-b-:hover { background-position: 0 -60px; } .ig-b-:active { background-position: 0

رأي واحد حول “طوق ورد | flower crown .

  1. التنبيهات: حكاية طويلة

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s