باقة ورد صغيرة

السلام عليكم ورحمة الله وبركاته
ثاني تدوينة بحمد الله في تحدي التدوين مع بنات نافذة المدونات المبدعات 

التحدي عبارة عن تدوين 7 تدوينات أو أكثر خلال شهر, والتدوينات تكون من أحد هذي المواضيع

 

اليوم اخترت إني أكتب في نافذة الفن, وأسوي معكم ولكم باقة ورد صعنونة بالكروشية ..

الباقة الي بأسويها بسيطة وما حطيت معها أوراق شجر لأني اكتشفت إن الخيط الأخضر على وشك يخلص >أحد سألك ليش ما سويتي ورق شجر؟ < لا 

المهم ..باقة الورد الصغيرة هذي ممكن تزينون فيها منزلكم الجميل, ممكن تهدونها لشخص عزيز دليل إنكم أعطيتم وقت في صنعها وتدوم فترة طويلة جدًا, ممكن تكون ضمن مجموعة هدايا, أنا بأسويها ب5 وردات بس ممكن تزودون عدد الوردات ويصير شكلها أفخم زي ما أتخيل..

بتحتاجون معرفة بسيطة في الكروشية ..كيف تبدأون وتسوون سلسلة وغرزة العمود وغرزة دبل العمود وغرزة ال”single crochet” والمنزلقة طبعًا .. وبنحتاج نسوي تزايد .. بسيطة 

الأغراض الي نحتاجها موضحة كما يلي 

الزرادية احتجتها عشان أقسم الأعواد الي عندي لنصين عشان تتناسب مع الورود الصغيرة الي بأسويها, ممكن بدالها مقص أو سكينة أو أصلا تاخذون أعواد خشب أو شجر صغيرة ..

ابرة الكروشية ضروري يكون حجمها متناسب مع الخيط حقنا 

نبدأ باسم الله نسوي الورود 

طريقة الورود موجودة في تدوينة  طوق ورد | flower crown .

اقرأوها وطبقوا الورود الي فيها وسلامتكم ..

 

لا تقفلون ما بعد خلصنا 

بعد ما نسوي 5 ورود وممكن أكثر لو حبينا 

نبدا نركبها على الساق حقتها بنقطة غراء المسدس, نحطها ونثبتها 

وبعدها نحط نقطة غرا ثانية “أو في نفس الغراء الي واضح لكم نثبت الخيط الأخضر ونلفه حوالين الساق 

نكمل نفس الخطوة على الكل 

 

بعدها نجمعهم بشريطة أو خيط على شكل باقة 

 

 

ممكن إذا بنهديها نغلفها بالورق البني “سويت مثال بسيط”

 

أو مثلا نحطها جوا كوب مع أعشاب زي الزعتر واكليل الجبل والخزامى ->ما طبقت الفكرة هنا مع الأعشاب بس بتطلع جميلة  “

 

 

 

 

وبس يا حلوين, باقة وردة صغيرة ولطيفة وبسيطة ولو جلستوا عليها جلسة وحدة ما تاخذ وقت إن شاء الله , فتّكو بالعافية