سلطة الكينوا

السلام عليكم ورحمة الله وبركاته ..

وأخيرًا, أخيرًا..كمان أخيرًا, مسحت هذا الفيديو من قائمة المهام عندي

صورت هذا الفيديو قبل شهر أو أكثر حتى, شهرين ممكن..والله يمكن 3 شهور

ومع الحجر, مع التسويف, فكرت إني بآخذ وقت في منتجته أكثر..بأسوي شيء جديد فيه ما قد سويته أبدًا..مرات أراجعه أقول لا لا مو كذا نفسي يكون, المهم بعد فترة ما قررت إن كل هذا الي فات مجرد أعذار وإني خلاص لازم أتخطاه عشان أعيش تجربة أخرى ممتعة !

فبالتالي منتجته بشكل سريع, ومجرد إحساس يعني لأني حسيت إن السلطة كثير تشهي وأنا أشوفها مرارًا وتكرارًا, فأحس حتى أنتم بتشتهونها, يمكن تسوونها, يمكن تصورونها, يمكن توروني تطبيقكم لها, يمكن يعني سبحان الله تسوون لايك واشتراك وذي الأشياء الحلوة الي ما تاخذ منكم وقت ولا مجهود ولا مساحة..بالعكس احتمال كبير تكسبون حسنة إدخال البهجة والأمل لقلب مسلم..المهم الموضوع كله برغبتكم, “نو برشر”

المهم هذي سلطة الكينوا, زمان كانت التبولة وجبتي المُفضلة في الحياة وهذي السلطة تصير أخت التبولة بل وتنافسها أيضًا. الخضار حرّة أكثر, الشيء الأساسي فيها من جهة الخضار هو النعناع والبصل الأخضر والخيار, يجي في المرتبة الثانية البقدونس والخس والطماطم, وفي المرتبة الثالثة أي خضار ثانية..ممكن بروكلي, فجل أحمر, فلفل رومي, ممكن زهرة مقطعة صغار ومشوية, باذنجان..ممكن جزر, بنجر, كيل, سبانخ..الخ

الشيء الثاني الصوص حقها, بعد ما أطبخ الكينوا في مويه مغلية وملح لحد ما تستوي “طريقة طبخها نفس طريقة الرز بالزبط”

أخليها تبرد, بعدين أضيفها على الخضار, وأضيف الصوص اللذيذ البسيط المكوّن من (عصير ليمون, زيت زيتون, دبس رمان) ممكن تضيفون خل أبيض كمان وممكن تضيفون شوية فلفل بودرة على الصوص يعطي السلطة لذعة حرارة 3>

ممكن تعتبرون هذي وجبة مقبّلات إذا أخذتم منها جزء, أو وجبة كاملة إذا أكلتم الصحن كلّه, بس طبعًا وازنوا السعرات..(رح أنزل بإذن الله نسخة محسوبة السعرات منها عمّا قريب)

طبعًا ما أنسى أتكلم عن الإضافتين اللذيذة الي في النهاية والي هي عبارة عن رمان, ممكن بداله توت أحمر + جوز وممكن بداله صنوبر ..

أتخيل “لسا ما جربت بس تحمست أجرب المرة الجاية” إنه تضيفون مكعبات جبنة فيتا, رح يعطيها طعم لذيذ كمان

رح أخليكم الحين مع الفيديو, لا تنسون الي قلته فوق حول الاشتراك واللايك وذي الأشياء وشكرًا لكم