يا حلوة يا ماما ()

السلام عليكم ورحمة الله وبركاته

لما ضغطت زر بداية كتابة تدوينة جديدة شعرت بشعور ال يا إلهي كم لبثنا  , ولا أملكُ الوقت لشرح كيفية هذا الشعور, ولا أنصحكم بالتفكير مليًّا في هذا الأمر, استغلوا وقتكم فيما ينفعكم, كإكمال قراءة التدوينة هذه مثلاً  

بعضٌ من صديقاتي العزيزات يُدركن رغبتي في العودة إلى مدونتي اللطيفة, تعبئة هذا الصندوق السحري بفيض ما أملك من خبرات وتجارب  -> كملوا التدوينة لا تفكرون مليًّا في هذا بعد ..

المهم , أن ربّي سبحانه وتعالى بفضله ومنّته أنعمَ عليّ بالأمومة “اللهم حمدًا وشكرًا” , ورزقنا سارّة  أسأل الله أن يجعلها سارّة مسرورة دنيا وآخرة , آمين . 

ومن هنا , تدوينتي هذه ستكون بإذن الله موجهة للأمهات الجدد أمثالي, فترة ما قبل الولادة وفترة النفاس ومنتجات مفيدة وكلام عام 

وكالعادة أنّبهكم إن التدوينة طويلة, حق السنتين الي ما كتبت فيهم هنا, وشكرًا 

قبل أن أبدأ الكتابة أود أن أحكي قصة خفيفة 

كنتُ في السوق مرة مع زوجة أخي ..مرحبًا رُبا 

ولما كنا عند المُحاسبة كان قبلنا إنسانة كبيرة في السن, سبحان من وهبها القبول, وكان أبرز ما أوصت به – كانت تتكلم مع المُحاسبة ومع كل من في المحل في نفس الوقت وكأننا بناتها- المهم أنها أوصت بالاستغفار, الاستغفار بفضل الله تعالى ييُسر الأمور, كل الأمور.. ومن ضمنها بالتأكيد أمر من يرجو الذرية { فقلتُ استغفروا ربّكم إنّه كان غفًارًا * يُرسلِ السماء عليكم مدرارًا * وُيمددكُم بأموالٍ وبنينَ ويجعل لكم جنّاتٍ ويجعل لكم أنهارًا }

ففي جميع الأحوال, خلوا الاستغفار مع اليقين صديقكم “ولم أكتب عادتكم لأن العادة تُفعل أحيانًا بدون التفكير فيها ” 

حسنًا لنبدأ -> كل الي فوق وما بدأنا بعد يالله العافية 

بأتكلم حاليًا عن فترة الحمل, الرياضة فيها والأكل ووو…

من ناحية الرياضة, حسب ما قرأت إنه من الأفضل في أول ثلاث شهور نتوقف عن الرياضة المُجهدة“لأنها أكثر شهور مهددة بعدم استقرار الحمل بعيد الشر يا رب “, ممكن نستمر في المشي, التمارين الخفيفة جدًا زي اليوغا..بعد الثلاث شهور, كنت أفكر أسجل في نادي رياضي فبناءً عليه قالوا لي ما تسجلين إلا لما تجيبين إذن من الدكتورة ” النادي هذا برا السعودية”, المهم لما رحت للدكتورة سألتها عن إمكانية إني أسوي رياضة وقوة التمارين الي ممكن أسويها, فأكدت لي إنه ممكن أبدأ في التمارين, ممكن أشيل أثقال, لكن أنصت لجسمي, إذا حسيت إن التمرين الفلاني مُتعب ومؤثر أخفف شدته, بالنسبة لي كنت أسوي يوغا من فترة لفترة, وكنت أمشي, لكني أؤمن تماما حاليًا بعد الولادة بأهمية الاستمرار ع برنامج تمارين يومي أو عالأقل 5 مرات في الأسبوع, لأن هذا يأثر بعد الله تعالى على سرعة استعادة اللياقة وعلى سهولة استعادة جسم ما قبل الحمل ., فيه تمارين ممكن نلقاها في اليوتيوب إذا كتبنا pregnancy workout . ،“وربنا يسعدك خفضي صوت الموسيقى 🌸”

وبما إن الرشاقة 89% تنبع من المطبخ وماذا يأكل المرء “النسبة من مخي لكنها حول هذا الرقم  ,الفكرة أن الأكل يؤثر بنسبة أكبر من التمارين على الرشاقة “, ففي فترة الحمل يتضاعف الاهتمام بالأكل الصحي, وهذا الشيء آمنتُ به عميقًا أيضًا بعد الولادة ..

مسألة إنك تاكلين عن شخصين هذي مفروغ منها إنها خاطئة 

ومسألة إنك في فترة الحمل تاكلين الأخضر واليابس بحجة إن الكرشة أساسًا قاعدة تكبر فهذي خاطئة برضو 

قد ايش تاكلين وايش ؟

ما تحتاجين تاكلين عن اثنين،  لكن تحتاجين تزيدين بعض المصادر الغذائية زي البروتين والكالسيوم والحديد وحمض الفوليك وفيتامين D,  C ، ألياف،  و 2 لتر مويه..

لأول ثلاث شهور بتحتاجين سعرات زيك زي أي حرمة صحية،  حوالي 2000 سعرة في اليوم،  وفي الجزء الثاني والثالث من الحمل “الستة شهور الأخيرة ” زيدي سعراتك حول 200 سعرة،  يعني تفاحة وموزة كبيرة..

متوقع إن وزنك بيزيد بشكل طبيعي 11-16 كيلو

إذا إنك أقل من وزنك الطبيعي قبل الحمل، فلازم تزيدين أكثر، حول 12.5-18 كيلو

إذا إنك أكثر من وزنك الطبيعي قبل الحمل فيفترض إنك تزيدين حول 7-11 كيلو

راح تحتاجين تزيدين نسبة المعادن والفيتامينات عندك،  فخليك ع نظام غذائي متوازن،  مليان فواكه وخضار “خاصة الخضار الورقية”، الحبوب الكاملة،  الطعام الغني بالكالسيوم زي المنتجات اليومية “زبادي،  حليب،  جبن… ” لحوم حمراء،  سمك،  بيض،  بقول مجففة،  حبوب وبذور.. اقضي حول 10 دقايق تحت أشعة الشمس عشان فيتامين د،  خذي الأكلات الغنية بالحديد مع الحمضيات “غنية بفيتامين C، لأنه يساعد على امتصاص الحديد..

من الأشياء المشهورة خلال فترة الحمل خاصة في المرحلة الأخيرة منه سكر الحمل،  قللي الأكل الغني بالسكر “الي يسبب ارتفاع في نسبة الانسولين في الدم بسرعة” ،  والتمارين الرياضية ممكن تساعد في تجنبه كمان ..

الأمر الصحيح إنه كل ما ازددتي محافظة على نظام صحي, متوازن ومتكامل القيم الغذائية, كل ما كانت العودة للرشاقة بعد الولادة أسهل بفضل الله تعالى أولاً وآخرًا 

احرصي عالفيتامينات الي توصفها لك الدكتورة, وشيء بديهي من أول ما تعرفين إنك حامل أو إذا أنت مخططة على الحمل ع طول تبدئين تاخذين حمض الفوليك مهم جدًا بالإضافة إنك تتجنبين الزيادة في فيتامين A لأنه يأثر عالجنين ..بمعنى إنه تجنبي الكبدة ومنتجاتها.

وع سيرةالأكل الي تتجنبينه فأذكر منها البيض الي مو مطبوخ بالكامل أو الني،  اللحم الي مو مطبوخ بالكامل،  السمك الني،  الحليب، الزبادي، الجبنة الغير مبسترين،  الجبن الي فيه فطريات…

غيرها قنني شربك للكافيين لأنه لو زاد، رح يؤدي ليا الإجهاض أو نقص وزن النونو عند الولادة ،  حول 200 ملقرام في اليوم “يعني كوبين قهوة فورية أو ثلاث أكواب شاي” الشوكلا تنحسب كمان،  50 جرام من الدارك شوكلت تحتوي حول 50 ملقرام كافيين،  بينما الشوكلاتة العادية milk chocolate تحتوي 25 ملقرام.

مشكلتي كانت في إني توحمت عالأكل الصحي, بمعنى ما ناسبني الشوفان, والدقيق الكامل والزبادي واللحوم والزبدة وو فكان أغلب أكلي فترتها ذرة, آسكريم, بطاطس ..والمشكلة الثانية إنه بعد ما خفت فترة الوحم ما صكيت  ..استمريت ع النظام المو صحي ولهذا أنا الآن مؤمنة بضرورة الاهتمام بالأكل الصحي وكميته تمامًا 

من الأشياء الي ناسبتني فترتها الشوربات , شوربة العدس وشوربة كويكر, قرأت ع إنه خلي جنبك بسكوت مالح أو بسكوت  زنجبيل تاكلين منه في الصباح, برضه لما تصحين خلك فترة عالسرير وكلي من البسكوت, لأنه لو قمتي وأنت جيعانة بتأثر عليك أحماض المعدة ويجيك الغثيان.., فيه ناس نفع معهم يشربون مويه دافية بالليمون بالمصاص،  شاي الزنجبيل،  فواكه وخضار..

في نقطة حابه ألفت لها انتباه إنه سبحان الله فترة الوحم هذي “خاصة الي وحمهم قوي” فرصة للي يبغى يكسب أجر, لأنه غالبًا الي تتوحم صعب عليها تطبخ, حتى لو شيء هي تشتهيه, فلما أحد يرسلها أكل أو يطلب لها من مطعم شيء هي تشتهيه يُعتبر خدمة عظيمة جليلة والله 

عامة المسألة الي تختص بالوحام إنه ما فيها شيء ثابت..شيء ناسب غيرك ممكن ما يناسبك, وفيه وحم صعب الله يكفيك إياه ووحم سهل سبحان الله فأنت في كلا الأمرين احتسبي الأجر وادعي لأمك .

الزبدة في مسألة الرياضة والغذاء إنه حافظي على روتين معين في الرياضة مو شديد عليك بعد الثلاث شهور الأولى من الحمل, واهتمي بالأكل الصحي المتوازن ولا تقللين سعراتك أو تزيدينها فوق الحد الطبيعي. ا.ه

نجي لأشياء مريحة فترة الحمل 

من البديهيات طبعًا إن الملابس الوسيعة تريح, حاولي تبتعدين عن الجينزات والملابس الضيقة عامة وفي نفس الوقت اهتمي اهتمي اهتمي بنفسك, تهندمي, تميكجي, رطبي بشرتك وكثري مويه “حتى لو إن شرب المويه مزعج”, لا تستائين من منظر بطنك وهي تكبر بل فكري إنك متميزة بهذا الشكل وإنها فرصة لتتأنقين بشكل مختلف, -إي ما يخالف رفّعي لنفسك دامك بتنبسطين مهمة مشاعرك هالفترة  – , فترة الحمل مي عذر لإهمال نفسك وإهمال أنوثتك, بل نفسيًا بترتاحين سبحان الله إذا شفتي نفسك في المرايه وأنت مرتبة ومكشخة عمرك .

من الأشياء المريحة مخدة الحمل, قريت كلام عنها إنها مررة مريحة, بالنسبة لي ما جربتها هي على وجه الخصوص لكني كنت أحتاج مخدات كثير عشان أرتاح, فأتخيل إنها تفي بالمطلوب, أتوقع تكون موجودة في سنتر بوينت ومذر كير..أتوقع ومو أكيد .

 تصوري ” بكامريتك الخاصة طبعًا “, لأن إذا رجعتي للصور بعد الولادة بتحسين بإحساس عجيب سبحان الله..

 استمتعي بتجهيز البيت,وترتيبه ترحيبًا بالضيف القادم.. غيري في شيء من ديكور البيت “حاجة بسيطة مو لازم تكاليف حتى لو تغيرين ترتيب الغرفة أو المجلس مثلا أوتضيفين نبتة طبيعية” عشان نفسيتك تنتعش كل ما شافت التغيير بعد الولادة 

 تثقفي, اقرأي في هذي المرحلة, القراءة ممتعة جدًا حول هذا الموضوع خاصة عن الجنين في كل شهر كم صار حجمه وايش الي تطور فيه سبحان الله الخلّاق 

ممكن تقرئين تجارب أمهات سابقات, فيه بنات مسوين لهم حسابات في الانستقرام ويوثقون تجاربهم, وخبراتهم ,مو شرط بالضرورة تطبقين كل الي تقرئينه, لكن حلو تاخذين فكرة 

عني أنا تابعت هذي الحسابات الجميلة :

7aniina.the.mom

lola__kids

omytip

فيه نقطة أحب أعلق عليها وهي تتعلق بالتسمية, حلو إنه تتفقين مع زوجك ع اسم معين ويكون هذا الاسم ناتج من اقتناعكم كلكم به بدون تأثير من أهلك أو أهله, وحطوا في بالكم إن هذا الطفل بياخذ من اسمه, وإذا لا قدّر الله حصل اختلاف حول هذه النقطة, فالشرع أعطى حق التسمية للأب, فاللهم رضًا وتسليمًا 

” عاد هنا فعلّوا خاصية كيد النساء اللطيف توعكم   ”

طيب بأنتقل الحين للتجهيزات المهمة قبل فترة الولادة, الحديث يطول حقيقة في الموضوع كله, لكن الي بأذكره تجربتي أنا وخبرة أشخاص أثق فيهم.

 السرير , نصحني العديد بنوعية السرير الي اسمها play yard

طبعًا فيه ألوان وأحجام عديدة له, ويختلف كل واحد عن الثاني في المميزات الإضافية, بعضها تجي بأدراج أو مع جهاز يطلع صوت الضوضاء البيضاء” زي صوت التلفزيون لما يخرب  أو الاستشوار, سبحان الله يريح الطفل في أول أربع شهور لأنه يشبه صوت الرحم ”

ميزته إنه فيه مكان للتغيير, فيه مساحة تحت تخزنين فيها أشياء, وإذا كبر النونو تنزلين الطراحة تحت بحيث يصير أأمن له,ويصير مساحة للعب, قيل لي إنه تعويد الطفل على اللعب في المحبس مرةة يريح, بس المسألة مو إنه طول اليوم يكون فيه لا, يعني ممكن يكون أغلب اليوم برا, ووقت ما تنشغلين تحطينه فيه مع ألعابه وطبعًا يكون تحت المراقبة .

من ميزاته بعد إنه يتطبق, فيصير يمديك تاخذينه معك في السفر أو ما شابه خاصة إذا كان حجمه صغير ..

طبعًا أسعاره تختلف حسب حجمه ومييزاته والمكان الي بتاخذينه منه, بمعنى ممكن تلقينه في محلات الماركات العالمية أغلى 

 الدولاب :

أخذت دولاب حديد ومغطى بالقماش نفس الي في الصورة تماما من أمازون اسمه Foldable Storage cupboard,أخذت هذا النوع تحديدا لأني متوقعة إني ممكن أنقل من بيتي فهذا أسهل في النقل، وأشوف إنه مناسب ووفى بغرضي لكنه مو هذيك الجودة الدائمة, الملابس المطبقة ممكن تطيح من الجوانب, والحديد ممكن يتعفط إذا كثرت الملابس الثقيلة المعلقة فيه, عامة هو مناسب ومريح لملابس الأطفال لأن ملابسهم مو ذاك الكثر والثقل, لكنه مو أفضل الموجود, حطيت في الرفوف صناديق ورتبت فيها الملابس لتفادي مشكلة سقوطها من الجوانب..

زي هذي الأدراج أشوفها عملية مرة وشكلها مناسب لغرفة الطفل, خاصة في الشهور الأولى ما راح تحتاجين تعلقين ملابس كثير ..

من ناحية الملابس, خاصة إذا كان أول نونو فلا تشيلين هم, راح يجيك هدايا كثير ملابس, عامة خذي بربتوزات ممكن 5 قطع ألوان حيادية + فنايل داخلية لها لأنها تريحهم بالذات أول أسبوع لأن سرته لسا موجودة فممكن يزعجه البنطلون والبلوزة,أو ممكن تنوعين بيجامات + بربتوزات, المهم إنه لا تكثرين لأن زي ما قلت بتجي هدايا + النونو يكبر بسرعة اسم الله عليه, حسافة تلبسينه شيء مرة وحدة, وأهم شيء انتبهي ل الخامة وللوسع, ما تكون ضيقة مرة بحيث تزعجه, ولا واسعة مرة بحيث يضيع فيها, في الملابس ركزي على العمر والوزن, لأن أحيانا الأوزان تختلف حتى لو كان نفس العمر.

نصيحة مهمة, بعض الملابس في مذر كير خاصة البربتوزات والفنايل الداخلية, تلقين نفسها تمامًا في سنتر بوينت بنص السعر, فلا يغرّنكم اسم الماركة لأنه يقهر ونعوذ بالله من القهر تدفعين ع شيء 150 وتلقينه في مكان ثاني ب 62 

 شفاطة الحليب :

هذي من الأشياء الي أشوفها مهمة جدًا جدًا جدًا, ومن المهم قبلها إنه يكون عندك وعي بأهمية وفائدة الرضاعة الطبيعية للنونو ولك وبالتالي تجاهدين حتى ما تدخلين الحليب الصناعي في حياتكم أقلها أول 6 شهور .

في البداية أخذت الشفاطة اليدوية لأني فكرت إن سارّة بتحتاج كمية قليلة حليب في الرضاعة , وأغلب الوقت أنا بكون معها إن شاء الله , لكن بعدها بفترة رحت أخذت الالكترونية لأنها ببساطة تختصر وقت وجهد, مو يعني إنها سريعة لكنها تنجز, تفيدك إذا تحجر صدرك من الحليب, وتفيدك في الليل إذا مرة مرة تحتاجين تنامين والنونو اللطيف يحتاج يرضع  وهذا الغالب في أول ثلاث شهور..

فمن تجربتي أقول إنه خذي الالكترونية ع طول,” والي قريته إن أكثر المدح لماركة ماديلا وهي الي جربتها بعد وتعتبر كويسة الحمد لله” صحيح سعرها غالي لكنها تسوى 

ولأنا دخلنا في مسألة الرضاعة الطبيعية, فأحب أذكر تجربتي فيها, في أول أسبوعين تقريبًا كانت جدًا متعبة, وكان يراودني شعور إن ما فيه حليب في صدري  , و راودتني بعد فكرة إني أدخل الصناعي خاصة في الليل . لكن ما شُجعت على هذا الأمر ولا تحمست له, لأني قرأت إن أفضل شيء في الستة شهور الأولى من عمر الطفل تكون الرضاعة طبيعي خالص , و الحمد لله صارت الأمور تسهل شيئًا فشيئًا, أو بشكلٍ أصحّ بدأت أنا أتعود وأتكيف مع الوضع شيئًا فشيئًا..

الطفل لما يصحى في الليل حتى لو إنه رضع مو شرط إنه يكون جيعان بمعنى جيعان, بل ممكن يكون محتاج دفء وحنان , لما تمنحينه هذا الشيء الي ربي أعطاك القدرة إنك تمنحينه إياه أنت بهذا تبنين شخصية جميلة حنونة بإذن الله وتلاحظين آثارها بالذات إذا كبر , عني أنا كنت أحيانا أصحى مع سارة لما تبكي وأرضعها جنبي وننام سوا, لكن لهذا مساؤوه, لأن فيه احتمالية لا قدر الله إنها تطيح من السرير خاصة إذا صارت تتقلب, أو أنا أنقلب عليها بعيد الشر يا رب, عشان كذا الأفضل إنه إذا اضطريتم لشيء مثل كذا إن يكون فيه شخص مستيقظ يشيل النونو إذا نام ويحطه في سريره, سواء أنت تقومين أو زوجك أو أمك أو أختك … الخ

لو أتكلم في التدوينة هذي عن فوائد وأهمية وكفاية الرضاعة الطبيعية بيطول الكلام , في حسابات في انستقرام تشجع على الرضاعة الطبيعية منها :

chicc_mama

breast_feeding

 طاولة التغيير 

من الأشياء الي أشوفها مهمة إذا جيتي تغيرين للطفل عشان ما ينحني ظهرك وتعانين تبعات ذلك, سرير ال play yard يجي بهذي الخاصية غالبا, وقريت إنه بعد ما يبدا الطفل يتقلب ما عاد تنفع والأفضل نغير له في الأرض لتجنب حوادث السقوط الله يكفينا .

 المروش 

أخذت هذا المروش بس كان ناقص, من وجهة نظري ونصح إحدى العزيزات حلو تاخذين هذا معاه 

بحيث يكون الي فوق مُسند الطفل وتحطينه جوا هذا, ويكون معاك ابريق فيه مويه تروشين الطفل بها, مهم جدًا المويه تكون دافية بحيث لو حطيتي كوعك فيها تحسينها دافية ومريحة للطفل – مو حارة ولا باردة – ومهم جدًا جدًا ما تخلين الطفل وحده في المويه, سنتميترات قليلة من الماء ممكن تسبب في غرف الطفل الله يكفينا, فاحتاطوا .

يمكن للأطفال أن يغرقوا في أقل من إنش واحد من الماء، وفي أقل من 60 ثانية. موقع بيبي سنتر آرابيا

 الشيالة 

هذي اسمها Baby ring sling

الشيالة عامة كنت مترددة كثير في شرائها وكنت أفكر بهذيك الي زي الشنطة , سألت ناس عنها والأغلبية ما نصحني فيها ! بحجة إن النونو بيتعود ع الشيل, و إنها توجع الظهر ..

لكني قررت أشتري هذا النوع الي في الصورة قبل ما أسافر في المطار, خصوصُا بعد ما قرأت تجربة حنين في الانستقرام عنها وكيف إنها مريحة وحميمية للطفل ..

أخذتها من حساب شيالة, مع الشحن تاخذ حول 199 ريال لأنه كان مُستعجل HDl, أول أسبوع ما عرفت أشيل سارة فيها, وكانت أمي الله يحفظها تهاوشني إني عذبت الضعيفة فكنت أحاول أتدرب عليها من ورا أمي 

المهم بعدها الحمد لله أتقتنها وفعلاً حسيت بأهميتها ومدى فعاليتها , سارة مرتاحة فيها الحمد لله ومن مميزاتها إن الطفل يشوف العالم من مستواك, وإنه يكون قريب من دقات قلبك  , مهم بس تلبسونها بالطريقة الصحيحة ,

بالنسبة لي ألبسها لما يكون عندي شغل وسارة تبكي ومي راضية تهدأ, أو لو كنت برا وبرضها مي راضية تهدأ, أو لما بروح مشوار بسيط أستثقل العربية فيه, في المطار كمان, وأتخيل إنها فعالة للي بياخذ عمرة وما عنده أحد يأمن النونو عنده..

في المجمل هي مرييحة جدًا الحمد لله, وأشوفها أفضل من إنك تقعدين شايلة الطفل بنفسك لأنها تعطيك فرصة إنك تستعملين يدينك الثنتين , و ميزة هذا النوع إنها متناسبة مع العباية بمعنى إنها ما تقسم جسمك, وما تتعب الظهر إلا لو شلتي الطفل بطريقة خطأ أو لفترة طوييلة, وهي تشيل لحد 14 كيلو .

مشكلتها في المطار تضطرين تفسخينها عشان التفتيش, لكنها برضو سريعة في اللبس

أنصح بها كثيرًا  وأبدًا..توكلوا على الله وخذوها ..

فيه في أمازون زيها, وعني أنا أخذتها زي ما قلت من حساب shayyalah

تحديث : فيه أنواع كثيرة من الشيالة كما نعرف, فيه نوع يناسب للمشي والحركة وقت طويل وهي الشيالة الي زي الشنطة “buckle sling”

والأمر فيها إنها تجسم الجسم, يعني ما تنفع مع العباية. لكن لو بيلبسها الرجال فهي أريح لو إنكم مخططين للمشي فترة طويلة بالشيالة.

 

النوع الثاني غير شيالة الحلقة, وهو موجود بعد في موقع شيالة المذكور آنفًا “الي أخذت منه شيالة الحلقة”

المهم الي هو عبارة عن قماش طويييل, غالبًا يكون سترتشي,ينلف بطريقة معينة “رابط الموقع تحت الصورة”

 

 

هذي غالبا أريح وأأمن للطفل في أول شهوره, بعدها لما يبدا يتحرك اسم الله عليه, ممكن ما تريحه لأنه يبغى يحرك يده بحرية ..برضها تجسم الجسم لكن ممكن ينلبس فوقها صديري أو جاكيت

 غطاء الرضاعة الطبيعية, ما عندي خلفية فين ممكن نلقاه في السعودية, عني جاني هدية ولقيته في أمازون, أول الشهور ما عرفت له حقيقة, وما استفدت منه كثير, لكن فايدته تجلت لي الآن لما بديت أتحكم في الرضاعة والحمد لله, إذا طلعت برا, إذا كنت في جمعة, ألبسه بسهولة والحمد لله, يمديني أشوف سارة من خلاله, وأحسن من حوسة إن البطانية تطيح 

 مخدة الرضاعة مريحة وقت الرضاعة الطبيعية, تريح النونو, وتريحك بحيث يمديك ترضعين ويديكِ الجميلتين طليقتين فبالتالي يمديك تاكلين أو تسوين شغلة بسهولة 

اممم ايش كمان ؟!

قبل الشهر التاسع بكم أسبوع كويس تكون شنطتك وشنطة النونو جاهزة, بحيث في أي وقت تكونين مستعدة للمستشفى, يكون في شنطتك غيار لك, أشياء مهمة بالنسبة لك شاحن الجوال كاميرا الخ الخ, وفي شنطة النونو غيارات له وبطانية والكيس الي تحطينه فيه إذا جيتي خارجة من المستشفى, وبرا يشترطون يكون معك كرسي السيارة, لا تتوترين وتخافين من مسألة الولادة والا إنك تأخرتي وو, تتسهل الأمور بعون الله ورحمته  ..

بالنسبة لفترة النفاس :

 لا تتحمسين لإنك ترجعين جسمك الي قبل الحمل ع طول فتسوين شيء يضر صحتك زي الحمية أو الرياضة الشديدة, ولا تكتئبين من منظر التشققات الي في بطنك  , فكري في التشققات إنها ميزة الأمومة “باب ما جاء في الترفيع “, +بالعناية والاهتمام تخف بإذن الله, ومع الوقت كمان بتخف أكثر وأكثر..

في نفس الوقت, التشققات دامها حمراء فأمرها سهل بإذن الله, أسهل من لو إنها بيضاء ف أنت الي عليك إنك تبدئين نظام تمارين يومي + ترطين جسمك من جوا بالمويه + ترطبين جسمك من برا بالكريمات والزيوت ..+ تاكلين كويس ..

لكن, زي ما قلت لا تتحمسين ع طول وتبدين في التمارين من أول يوم بعد الولادة, أصلا قدك منهكة وتحتاجين تريحين, إذا كنتِ والدة قيصري فاسألي الدكتورة عن الوقت الممكن لك فيه إنك تبدئين تمارين, والي قريته إنه يمديك تبدئين تمارين خفيفة بعد 6-8 أسابيع يعني بعد حوالي شهرين , إذا ولدتِ طبيعي فبعد أسبوعين يمديك تبدئين مشي نص ساعة كل يوم أو كل ثلاث أيام في الأسبوع و دخلي تمرين خفيف معاه, 10 دقايق عالأقل يوميًا 

فيه في اليوتيوب مقاطع after birth workout

مارسي التمارين بشكل متوازن, لا تركزين على منطقة الكرش وبس, مرني الأرجول, الذراع, الجزء العلوي والسفلي من الجسم, بالإضافة لتمارين ال”abs” + تمارين ال  “belly fat ”

من ناحية الأكل, فالله يجزي كل من نبهني لمسألة الإمساك خير الجزاء, الإمساك شيء وارد إنه يجي بعد الولادة, وبيكون متعب جدًا, كنت شايلة همه مرة لكثرة ما حذروني منه والحمد لله عدت الفترة على خير, ضروري تحتاطين إنه ما يجي بإذن الله بإنك تاكلين كويس, مرقة اللحم والدجاج مفييدة جدًا بإذن الله والشوربات, الأكلات الغنية بالألياف , الفواكه والخضار والشوفان..

القشر بطل في هذي الفترة, ينظف الرحم بشكل ممتاز سبحان الله, خليه صديقك 

انتبهي من زيادة الكافيين “قهوة-شاهي-شوكلا”، لأنه يوصل للطفل بالرضاعة فممكن يؤثر ع نومه -يكون مستيقظ غالب الوقت-

بالنسبة لي ما كنت أفضل أشرب حلبة مع إنها مفيدة مرة, فكانت أمي اللي يسعدها تدخلها لي في إيدام اسمه السَلْتَة وهو وجبة من اليمن الشقيق , وهو عبارة عن

1- ننخل تقريبا ملعقتين حلبة مطحونة في مويه ومهم ننخل هنا عشان ما تتكتل الحلبة, و تخلينها ع جنب حوالي 3 ساعات لحد ما يصير لها زي الرغوة . بعد 3 ساعات نوخر المويه ونحط مويه جديدة ونخفقها بخفاق الدريم ويب لحد ما تنتفش ونخليها ع جنب.

2- تسوين سلطة حارة بقدونس وطماط وفلفل حارر وفص واحد ثوم نطحنها ونخلطها مع الحلبة.

3- نسلق لحم مقطع مكعبات ونحطه ع جنب.

4- نسلق بطاطس مقشرة ومقطعة مكعبات ع جنب ” أتخيل إنه ممكن ما نقشر البطاطس عادي”

5-نسوي كشنة, بصل نخليه يحمر بعدها نحط كراث وطماطة, رشة ملح وليمون وكمون , لما تتسبك نحط اللحم فوقها ويكون معه شووي مرقة حول نص كاسة, وقطع البطاطس, ونوازن ملحها, بعد كذا نحط عليها بيضة عشان تستوي معها وتصير مرقة مخثرة.

6-نجيب طبق ونحط من اللحم والبطاطس ونحط فوقهم من خليط الحلبة والسلطة , ما نخلطهم مع بعض لا نقدمهم زي كذا طبقة الإيدام وفوقها طبقة الحلبة .

“سلكوا ضمائر الخطاب “

ممكن تنأكل مع خبز أو بالملعقة وبالعافية .  “يا ربي اشتهيتها  “

في الصباح أمي الله يحفظها سوت لي كرات التمر بالحبوب, مفييدة جدًا ومغذية, عبارة عن زبدة تسيح عالنار و نحط عليها دقيق بر تقريبا 3-4 ملاعق نقلبه مع الزبدة لما يشقر شويه ونحطه ع جنب نضيف عليه معجون تمر  + مكسرات مجروشة و كل بذور أو حبوب مفيدة تخطر في بالنا : حبة سوداء, سمسم, سمح, بذور الشيا, نخالة القمح, بذور الكتان, هيل, سنوت…الخ “اللهم الثفة أحسن تدخل للنفاس بعد عشرين يوم حسب كلام الماما” +نحط قرفة وفلفل أسود لمعجون التمر..

نكورها, بعدها ممكن نقلبها في سمسم أو في مكسرات مجروشة أو جوز هند أو نخليها سادة.

كنت آخذ منها كل صباح 3 كور مع تقريبًا كوب حليب مُحلى بالعسل. تشبع صراحة وترد الحياة في أوداجك .

هذي الوجبة تعتبر صحية لكنها عالية بالكارب والدهون, عشان كذا لا تكثرين منها في اليوم ..وازني .

إذا التزمتي بنظام أكل مغذي وصحي أضمن لك بإذن الله تتجنبين مسألة الإمساك .

 بالنسبة لمسألة الاستيقاظ في نص الليل عشان النونو جيعان أو يبكي فهذي الله وكيلنا ووكيلكم للآن تحدث معي وسارة الحين عمرها ستة شهور الله يحفظها لكنها بشكل أقل بكثيرر عن أول الشهور, استغليها في الدعاء والاستغفار خاصة إنها في وقت السحر فخذيها فرصة  ..ورضعيه, لكن لا تعطينه مويه في رضاعة بحجة إنك تسكتينه وتعودينه عالنوم رجاءً ! تخيلي إنك جيعاانة ومالك حول ولا قوة والي مسؤول عنك بس يشربك مويه  , ما أشوفها من الرحمة بهذا الكائن الضعيف ..,ممكن تعطينه رضاعة من حليبك, فيه ناس يرتاحون لما يدخلون رضعة صناعية للطفل في هذي الفترة بس عني زي ما قلت ما أنصح بإدخال الصناعي أول 6 شهور بتاتًا, ولك حرية الاختيار ..

 في شيء أحب أنبه عليه وهو لما يبكي الطفل ضروري تشيكين ع 3 حاجات

1-هل هو جيعان.

2-هل هو نظيف.

3-هل هو بردان أو حران.

غير كذا ممكن يكون فيه مغص وهذا شيء شائع جدًا في أول ثلاث شهور , حاولي تعطينه أعشاب, تسدحينه ع بطنه في عبك وتطبطين ع بطنه برقة 

أو ممكن يكون يبغى ينام بس ما يعرف كيف ينام فممكن تهزينه بشكل خفيف, انتبهي تهزينه بقوة لأن هذا يأثر ع دماغه بشكل خطير .  

شغلي له القرآن, سبحان الله يهديه كثير..

من وهوجنين في بطنك غني له أنشودة معينة فبالتالي يرتاح لما تغنينها له سبحان الله

صوتك يريحه, غني أو سولفي معه وأنت حاضنته وبعون الله يستجيب 

فيه مقاطع في اليوتيوب ل رولا القطامي تتكلم عن مشاكل الأطفال عامة وكيفية حلولها حلو تشيكون عليها لأنها دارسة في هذا المجال و تشرح وتفيد صراحة .. 

من الأشياء العجيبة بالنسبة لي إن المركز الصحي أعطاني كتاب عبارة عن صور باللون الأسود والأبيض, وقالوا لي بين فترة وفترة أوري سارة هذي الصور لأنها تقوي حس النظر عندها سبحان الله, بعدها قريت إن الطفل في أول ثلاث شهور تجذبه الأشياء السوداء والبيضاء, بعدها تبدأ الأشياء الملونة تجذبه . 

دايمًا وأبدًا ادعي الله سبحانه وتعالى إنه يوفقك وييسر لك حياتك الجديدة من كل النواحي.

وتذكري هذي الأدعية

( ربّ اجعلني مقيم الصلاة ومن ذريتي ربنا وتقبل دعاء )

( اللهم هب لنا من أزواجنا وذرياتنا قرة أعين واجعلنا للمتقين إمامًا )

( ربّ اجنبني وبنيّ أن نعبد الأصنام)

(ربّ أوزعني أن أشكر نعمتك التي أنعمت عليّ وعلى والدي وأن أعمل صالحًا ترضاه وأصلح لي في ذريتي إني تبتُ إليك وإني من المسلمين )

احتسبي إنك تربين هذا الطفل أو الطفلة على ما يُرضي الله تعالى ورسوله, وحطي في بالك وأيقني كل اليقين إنك مهما سويتي من أساليب في التربية فالتوفيق دائمًا وأبدًا من الله سبحانه, ارجعي له دائمًا في كل أمرك وتوكلي عليه..

أنتِ الآن بيدك سلاح الدعاء لأولادك, احرصي ما تدعين لهم إلا بخير حتى في أشد لحظات الغضب منهم أذكر نفسي وإياكم أن تكون : الله يهديك. الله يصلحك … على لساننا بدل الأدعية المؤذية .

تقول حاسبة الوردبرس إن في هذي التدوينة 3114 كلمة إلى هنا .

أسأل الله أن تكون حجّة لي لا عليّ وشكرًا لصبركم  , وآسفُ لنقلاتي النوعية في عرض التدوينة, هَم لا تفكرون وش قصدي بالنقلات النوعية. 

سبحانك اللهم وبحمدك, نشهد أن لا إله إلا أنت, نستغفرك ونتوب إليك

أستودعكم الله