بسم الله الرحمن الرحيم

السلام عليكم ورحمة الله وبركاته

الي يقرأ العنوان يجي بباله إني بأكتب كلام عن الوجبات السريعة ومضارها على الجسم والضمير والنفسية وما إلى ذلك وكيف إنها ملغومة دهون وسعرات بشكل ما نتخيله لكن لا مو هذا الي بأتكلم عنه > أظني أعطيتكم لمحة ولو 🤗

من جميل القدر الحمد لله إني تعرفت على هذي القناة اليوم, وبالأخص شفت هذا الفيديو فيها

https://www.youtube.com/watch?v=vmdITEguAnE

ومنها أعجبتني فكرة إني أسرد في هذي التدوينة كل الأفكار العملية الي طبقتها من قبل والي تحفظ جهد ووقت وتخليك تقدمين طبخات كأنك من سنين وبنين وأنت تعدينها وأنت بس أخذتي 5 دقايق فيها ->مو لهالدرجةعاد😅

ومن هذي الأفكار ممكن أحكيكم ايش ممكن يتسوى فيها ..

ببدأ معاكم بهذا الكائن اللطيف💙

نتيجة بحث الصور عن ثوم

تدرون قد ايش يعطي الأكل لذاذة ؟ مرة أحب نكهته مع الدجاج المشوي والشوربة والحمسات والحمص وباختصار يدخل في أي شيء في الحياة سواء مطبوخ أو نيء ..

المسألة الي كانت تتعبني هي مسألة تقطيعه في كل مرة أحتاجه فيها, يأزمني الريحة الي تثبت في اليد +فرامة الثوم اليدوية ما ناسبتني ما أحسها تطلع لي كل الفصة وأحيان تهرسها بدل تفرمها مدري كيف أشرح لكم

فكنت أستعيض ببودرة الثوم ومرة كويسة معي وحبوبة بس لما اكتشتف الطريقة التالية استغنيت فيها حاليًا حتى عن بودرة الثوم💘

الفكرة أخذتها من هذا الفيديو, الله يشرح صدرك يا نهلة ويسهل دربك للخير يا رب😍

https://www.youtube.com/watch?v=xiWwdvn9WCo&t=171s

تقريبًا نص كيلو ثوم يعني 500 جم >احلفي😆

نحط الثوم في علبة ونقفلها ونرررررررجها رج تذكروا موقف يعصبكم واقعدوا رجوا في الثوم ضعيف> دعابة, بنلقى فصوص الثوم تفككت وبعضها تقشر يمكن,

نحط الفصوص بقشرها في مويه ونخليها حوالي 12 ساعة , بعدها بيصير سهل علينا نقشرها

نقشرها, ونحطها في خلاط السموذي” أو لو عندك خلاط الشوربة برضه ينفع

ونحط كوب صغير” أظني حطيت كوب واحد معياري” زيت زيتون

وملعقتين طعام ملح

وملعقة طعام مو مليانة سكر

نطحنهم لحد ما نوصل للقوام الي يناسبنا

بعدين نحطهم في برطمان قزاز “ما نمليه للأخير عشان ما ينفقع في الفريزر” ..

وبس كل ما نحتاج ثوم نطلعه من الفريزر وناخذ بالملعقة “بيكون سهل نشيله بالملعقة مو متجمد” “طلعوه ب10 دقايق قبل إذا تبغونه أسهل, بس مهم مهم مهم ما تنسونه برا, أول ما تاخذون الي تحتاجونه علطول رجعوه الفريزر + دايمًا استعملوا ملعقة نظيفة وجديدة لما بتاخذون منه.


الشيء الثاني هذا اللطيف💙

815kv1ns16l-_sy355_

سواء أحمر أو أبيض أو أي نوع, مرة يختصر عليك وقت لما تقطعين لك 3 حبات أو 4 وتحفظينها في علبة قزاز محكمة الإغلاق في التلاجة, تجلس معك 3 أيام بالراحة “عني ما أحب أزود عن 3 أيام لو سويتها” وتسهل عليك كل الطبخات الي تحتاجين تشوحين فيها بصل, بدل غلبة التقطيع والدموع كل مرة خلاص هذي جاهزة عندك.


الشيء الثالث هذول اللطيفين💙💙💙💙

نتيجة بحث الصور عن ‪onion‬‏

488059328

nada-tomato-paste-135gr-500x500

نتيجة بحث الصور عن ‪garlic‬‏

أتخيل عرفتم وش تسوون فيهم ؟

كشنااة👍

نصيحة لوجه الله سواء كنت إنسانة عاملة أو مريحة في البيت تسوين كشنة بكمية كبيرة وتفرزنينها, ما تدرين قد ايش بتحفظ عليك وقت وكل ما تدركين بتشكرين الله تعالى ثم نفسك..😭💘

كل واحد وله طريقته, لكن إذا بتفرزنينها أنا أشوف إنه أفضل تسوينها كذا: كالمعتاد كمية بصل “3 أو 4 حبات” مع تشوحينها عالزيت مع ثوم حول 3 ملاعق كبار أو أكثر ع كيفك ” من الي سويتيه قبل شوية” لحد ما تحمر,بعدين تحطين عليه الطماط المقطع صغار تقريبًا 12 حبة وسط نخليها تتشوح, بعدين نحط عليه تقريبًا علبة كاملة حول 600 جم صلصة ” أنا قاعدة أحط نسب تقريبية لكن كل واحد وتفضيله والي عنده”

نخليها تتسبك بعدين نطحنها بخلاط الشوربة ونخليها تتسبك كمان بعدين نوزعها على علب بلاستيك أو قزاز حسب احتياجنا للطبخة الوحدة ونخليها تبرد شوي بعدين نفرزنها , وطبعًا ما نبهرها ولا نملحها ولا شيء, وقت ما نطلع علبة عشان نسوي فيها طبخة نبهرها بالبهارات المناسبة

بأقول ملاحظة بسيطة: إذا عندك كمية كبيرة بصل أو خضار بتقطعينها صغار مررة هذي الأداة تختصر وقت عليك

1351

ميزتها إنها يدوية فيمديك تفرمين البصل والطماط وكلش على كيفك “بشكل خشن خاصة لو بغيتي” يعني زي كأنك قطعتيه صغار مرة, وكل ما زودتي عدد اللفات كل ما صار الشيء عندك أصغر وأنعم ..

ايش ممكن تسوين فيها يا سُكّرة ؟

بقول بعض الأفكار:

*ممكن تسوين شوربة كويكر .

*ممكن تسوين بيتزا مع عجينة صحية, على فكرة حتى العجينة الصحية يمديك تسوين كمية منها وتفرزنينها ..

*ممكن رز بخاري.

*كرات اللحم .

*خلطة دجاج.

*مكرونة حمراء.

*مرقوق

*أي شيء في الحياة يحتاج كشنة حمراء بس طلعيها خليها تذوب أو حتى حطيها دقيقتين في المكرويف وتصير جاهزة للاستعمال بدل حوسة ريحة وتقطيع وو في كل مرة ..


الخضار زي البطاطس والكوسا والباذنجان ممكن تقلينها في فيليبس أو تشوينها يعني وتفرزنينها لصينية خضار سريعة ..


cq5dam-thumbnail-400-400

الصورة مو من تصويري *

بعطيكم وصفة كرمبل, الكرمبل حلا من البلدان الأوروبية “بريطاني” ممكن يتسوى مالح أو حلو, والحلو هو الغالب, عبارة عن:

1-في وعاء نخلط 175 جم دقيق “ممكن دقيق بر أو شوفان”, مع 115 زبدة, مع 115 سكر “ممكن سكر بني أو ممكن تقللون كمية السكر بعد إذا تبغون ..أظني قد جربتها بسكر أقل وكانت تمام ..

بس نخلطهم سوا بمحضرة الطعام أو بيدنا بتطلع عجينة تتفرفث ->لا تسألوني ايش تعني تتفرفث, بس يعني تطلع كذا

56-475-mix-the-flour-and-sugar-before-rubbing-in-the-butter-until-the-mixture-resembles-breadcrumbs-full

هذي الطبقة نقدر نضاعف كميتها ونحتفظ فيها في التلاجة لحد ما نحتاج نسوي فيها حلا بسرعة

وقت ما نحتاج نقطع أي فاكهة عندنا و نخلطها مع سكر بني وشوية مويه..”فيه ناس يطبخون هذا الخليط 5 دقايق عالنار وناس لا بس يخلطونه” ,أظنكم حزرتم أنا من أي ناس

كثير يسوونه بتفاح وكمثرى وتوت, قد مرة سويته أنا بموز وتمر وطحينة وكان لذييذ ! في ناس يسوونه بالراوند .. ايش الراوند ؟

rhubarb

نوع من الخضار أحس شكله مو فاكهة يستعملونه للحلويات بس ما استسغت طعمه الحمد لله, ابحثوا عنه, تُستعمل الساق حقته بس لأن أوراقه سامة ..

المهم, تنحط هذي الطبقة (فاكهة+سكر+شوية مويه) في صينية بايركس

ونحط عليها طبقة الدقيق والزبدة والسكر الي سويناها ..ونضغط عليها نساويها ..

بعدين نحطها في فيليبس 20 د على درجة 160ْ

أو في فرن مُشغل مسبقًا على درجة حرارة 180ْ لمدة 30 د

يمكن الفترة طويلة شوي حقت استواءه بس فترة إعداده ما تاخذ وقت كثير ولا حوسة مواعين كثيرة..

ممكن يتصلح لما يكون عندنا كمية فواكه كبيرة -> بعد العزايم خاصة ما شاء الله, ونخاف تخرب ..


pre-prepped-green-smoothie-baggies-1024x576

فواكه وأشياء السموذي حلو تقطعينها وتجهزينها من بدري مرة وحدة وتحفظين كل حق سموذية في أكياس في الفريزر مرة بيسهل عليك إنك تخرجين كيس واحد تحطينه في الخلاط مع زبادي أو حليب أو عصير وإضافاتك الي تحبينها من حبوب وكذا ..👌


الفطاير من الأشياء الي مرة تنجزك لما تسوينها بكميات كبيرة وتفرزنينها ..💘


اللحم المفروم يمديك تطبخينه كله مرة وحدة بدون بهار أو ملح أو غيره وتقسمينه وتفرزنينه..

وقت ما تحتاجينه بيكون عندك جاهز بس تضيفينه على حمسة البصل, أو تخلطينه مع بهارات وبيض وهيك أشياء وتسوين كرات اللحم أو برجر..


فيه أشياء كثير يمدي نسويها ونفرزنها “محد يلومني إذا قلت أحب الفريزر الله يديمه من اختراع على خير💘”

لكن الي ذكرتها فوق أشياء ممكن تختصر عليك طبخات بتسوينها بسرعة, يعني مو وجبات جاهزة..

فيه وصفة جميلة وسريعة ولذيذة ومفيدة وكلش 💙

سَلمون بصوص الليمون والعسل يا جماعة ..💘💘

قد ذكرت وصفته هنا وجبات + “سناكات” للأطفال

بس بعيدها هنا من بساطتها

فيليه سَلمون يُفضل بدون عظم, نطبخه على الصاج أو في فيليبس, 15 دقيقة تقريبًا, قبل ما يخلص الوقت ب 5 دقايق نضيف عليه الصوص التالي “ملعقة عسل,عصير ليمون, ملعقة صغيرة ثوم, البهارات الي نحب” وبس..

ممكن ناكله مع رز سادة, أو خبز, أو بطاطس.. وسلطة ..


بأختم هذا الموضوع بوجبة علمتني اياها أمي الله يحفظها زمان💙💙💙💙, كانت بين فترة وفترة تسويها وصرت بعدها أنا أسويها من بساطتها, ولذيذة جدًا..

في قدر الضغط, وبما إن سيرة قدر الضغط جت فلازم أخبركم إنه مرة يختصر وقت في الطبخ ترا, وبإذن الله مع تطبيق إرشادات وتعليمات السلامة وحفظ الله أولاً وآخرًا ما بيصير شيء..الناس الي ما فكروا ياخذونه لازم تعطونه حقه من التجريب..👍

المهم نحط قطع دجاج, صدر وفخذ في قدر الضغط, وفوقها نحط أي خضار عندنا (بطاطس, كوسا, فلفل رومي, حلقات ليمون,حلقات بصل الخ) ونحط ملعقة أو شوية زيت + فنجال شاهي مويه..+ البهارات الي نحبها

نقفل ونخليه نص ساعة تقريبًا على نار هاديية ..وبس والله تطلع لكم وجبة لذيذة جدًا ماشاء الله وما تحتاجون إلا قدر واحد لطبخها ..😍

شكرًا لوقتكم وبإذن الله تكونون استفدتم و أُلهِمتم من هذي التدوينة..⚘

Posted by:molarya

.ig-b- { display: inline-block; } .ig-b- img { visibility: hidden; } .ig-b-:hover { background-position: 0 -60px; } .ig-b-:active { background-position: 0

5 آراء حول “وجبات سريعة

  1. الله حبيت ذكرتيني برمضان الله يعيده علينا بالخير
    وبالنسبة للثوم الافضل توزعينه في قوالب ثلج ليسهل عليك
    وافضل لك
    ويعطيك العافيه

    1. الله مررة ما جت ببالي فكرة قوالب الثلج سبحان الله. حبيتها مرة اروق وانظف فعلا..
      الله يسعدك ويجزاك الخير لردك المُلهم

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s